Маршал Брюс Майдэрс III буюу тайзны нэрээрээ Эминэм нь Америкийн Нэгдсэн Улсын Мичиган мужийн Детройт хотоос гаралтай рэппэр, хөгжмийн продюсер, жүжигчин хүн юм. Тэрээр дэлхий даяар далан сая гаруй альбом зараад байна. Эминэм нь 2000-аад оны эхээрх хамгийн их борлуулалттай хөгжимчин байсан ба бүх цаг үеийн хамгийн их борлуулалттай байсан рэппэрүүдийн нэг юм. Эминэмийг анх Доктор Дрэ олж нээжээ. Анх Доктор Дрэ түүний микстейпийг сонсоод Эминэмийг хар арьстай хэмээн боджээ. Дараа нь тэрээр Эминэмийг өөрийн лейбэл болох Афтермат Энтертайнменттэй гэрээ хийлгэжээ.
Нобелийн шагналтан Сиймус Хийней түүнийг "үгийн энергитэй", яруу найраг болон дууны шүлгийн сонирхлыг сэргээдэг хэмээн магтсан байдаг. Эминэм өөрийг нь тойрсон олон дууны үгнээс үүдсэн маргаанаараа нэр хүнд муутай байдаг. Түүний Грэммид 4 удаа нэр дэвшсэн Маршал Майдэрс ЛП цомгийг ижил хүйстнүүд, эмэгтэйчүүдийг гутаан доромжилсон гэж үзэж байхад нөгөө хэсэг нь энэхүү цомог хүчирхийлэлийг сурталчилсан гэж үзсэн байна. 2002 онд тэр 8 Миль хэмээх хагас өөрийнх нь замналыг харуулах киноны гол дүрд тогложээ.
2006 онд MTV түүнийг "Бүх цаг үеийн шилдэг Эмси нар" -ын жагсаалтын #9-т бичсэн байна. Түүний 2010 онд гаргасан "Recovery" цомог нь маш амжилттай хит болсноос гадна "Not afraid", "No love", дуучин Рианнатай хамтарч дуулсан "Love the way you lie" гэх зэрэг олон дуу нь одоо хүртэл хитүүдийг тэргүүлсээр байгаа. Мөн дашрамд дурьдахад "Not afraid" дуу Америкийн хөгжмийн наадмаас хоёр шагнал хүртсэн юм.
0 comments:
Post a Comment